Բեյջի մագնիս

Հագուստին ամրացվող բեյջերն ու դրանց համար նախատեսված հատուկ մագնիսները կարող են պատմել Ձեր ընկերության ֆիրմային ոճի մասին: Բեյջերը լրացուցիչ տեղեկություն են հայտնում ընկերության մասին՝ ավելի հարմար են դարձնելով հաճախորդների հետ շփման գործընթացը։ 

Դրանք կարող են լինել անվանական, ընդ որում կրողի անունը կամ անհրաժեշտ այլ տեղեկություն գրվում է լազերային սարքավորումների օգնությամբ: Բացի այդ լինում են նաև հատուկ «պատուհանիկով» բեյջեր, որտեղ տեղադրվող անվանական թերթիկն անհրաժեշտության դեպքում կարող է հեշտությամբ փոփոխվել:

Մագնիսով բեյջերի գլխավոր առավելությունը պարզ և հարմար օգտագործումն է: Ի տարբերություն ասեղով ամրացվող բեյջերի՝ մագնիսով բեյջերը չեն փչացնում հագուստը: Մեր տպարանում պատրաստվող բեյջերն ամրացվում են ամուր մագնիսներով, հարմար և հեշտ են օգտագործման համար: