Control Print ընկերությունը, հիմնադրման օրվանից ի վեր, իր առաքելությունն է համարում խթանել տպագրության ոլորտի զարգացումը Հայաստանում և նորովի ներկայացնել այն արտասահմանյան շուկայի ներկայացուցիչներին։ Տարիների ընթացքում տպարանը մի շարք միջոցառումների և ցուցահանդեսների միջոցով ձգտել է ընդլայնել ոլորտի վերաբերյալ իրազեկվածությունը։
Այս առիթով 2018 թվականի սեպտեմբերի 27-29 Երևանում՝ Մերգելյան գիտահետազոտական ինստիտուտի տարածքում գտնվող «Երևան Էքսպո» ցուցահանդեսային համալիրում, կազմակերպվել էր գովազդի և պոլիգրաֆիայի առաջին միջազգային մասնագիտացված Arm Sign Expo 2018 ցուցահանդեսը: Միջոցառումը կազմակերպվել էր Prom Expo LLC-ի ջանքերով՝ Control Print տպարանի հովանավորության ներքո։ Էքսպոյին մասնակցում էին տեղական շուկայի առաջատար ներկայացուցիչները՝ մասնագիտացված գովազդի, դիզայնի և բրենդավորման ոլորտներում։
Arm Sign Expo 2018-ի հիմնական նպատակներից էր նորովի հանդես գալ ոչ միայն հայաստանյան, այլև արտասահմանյան գործընկերներին՝ ներկայացնելով հայկական տպագրության ողջ ներուժը։
Ցուցահանդեսն իր մեջ ներառում էր 3 թեմատիկ բաժիններ՝
- Արտաքին գովազդ
- Գովազդային պոլիգրաֆիա
- Բրենդավորում
Control Print տպարանը, գլխավոր հովանավորը լինելուց զատ, ցուցահանդեսին ներկայացրել էր իր ծառայությունների լավագույն նմուշները՝ սկսած արտաքին գովազդի մեջ կիրառվող LED լույսերով լուսավորվող ծավալային տառերից, Press wall բաններներից, մինչև ավտոմեքենաների ամբողջական բրենդավորում։
Arm Sign Expo 2018-ի շրջանակներում մասնակից ընկերությունները հնարավորություն ստացան գործընկերների հետ կիսվել իրենց փորձով, նոր ձեռքբերումներով, ինչպես նաև ոլորտի զարգացման նոր միասնական մարտավարություն մշակել։
