Գովազդն առանց լայնաֆորմատ տպագրությա՞ն: Դժվար կլինի պատկերացնել: Լայնաֆորմատ տպագրության առավել տարածված տեսակներից են արտաքին և ինտերիերային: Օրինակ փողոցում տեղադրված մեծ վահանակները, ցուցանակները, շինությունների ճակատային հատվածի պաստառները ստեղծվում են արտաքին լայնաֆորմատ տպագրությամբ: Ինտերիերի ձևավորման համար լայնաֆորմատ տպագրությունն օգտագործվում է առավելապես խոշոր առևտրային կենտրոններում, կինոթատրոններում, հեռուստատեսությունում` տաղավարների ձևավորման ժամանակ: Մեծ ֆորմատի լավ որակի տպագրությունը պետք է ունենա վառ գույներով ու տպավորիչ արդյունք: Մասնավորապես փողոցում տեղադրված գովազդային վահանակը ընթեռնելի պետք է լինի տարբեր հեռավորություններից: Մեծ ֆորմատի տպագրությունը չպետք է գունաթափվի արևի ճառագայթներից կամ խոնավությունից: Պաստառները դիմանում են ուժեղ քամուն ու ցանկացած եղանակային փոփոխությունների:
Մեծ ֆորմատի տպագրության մասին խոսելիս, նախ առանձնացնենք դրա օգտագործման ձևերը: Լայնաֆորմատ ձևաչափի տպագրության կատեգորիաները կարող եք տեսնել մեր կայքում:
Այժմ գովազդային վահանակներից բացի, նորաձև է բնակարանները ձևավորել թրենդային ինտերիեր-տպագրությամբ: Այսօր արդեն կարելի է հանդիպել օֆիսային տարածքներ, խանութներ, որտեղ պատերը զարդարված են գրաֆիկական պատկերներով:
Խոշոր ֆորմատով տպագրությունն այսօրվա ամենահայտնի մեթոդն է գունավոր, հստակ մեծ ձևաչափով պատկերներ ստեղծելու համար: Լայնաֆորմատ տպագրության մեթոդով պատրաստված պաստառները, ցուցապաստառները, փողոցային պաստառները և պատերը դիմացկուն են շրջակա միջավայրի ազդեցություններին` տեղումներին, քամուն, արևի լույսին և նույնիսկ կարկուտին: Լայնաֆորմատ տպագրությունն օգտագործվում է լայնածավալ գովազդային արշավների համար, որի նպատակն է հնարավորինս հասնել թիրախային լսարանին։ Նման արտաքին գովազդը երկար կծառայի և կօգնի նոր հաճախորդներ ներգրավել: Ինտերիերի լայնաֆորմատ տպագրությունն իդեալական է ցուցահանդեսային կրպակների, գրասենյակների և բնակարանների, ցուցափեղկերի և վաճառքի կետերի, տրանսպորտային գովազդի, ֆիլմերի արտադրության համար:
Շատ կարևոր է մեծ ֆորմատի տպագրական նյութերի ընտրությունը: Ժամանակակից տեխնոլոգիաներն ու տպագրության մեջ օգտագործվող նյութերը հնարավորություն են տալիս ստանալ ցանկացած չափսի բարձրորակ տպագրություն արտաքին կառույցների, ներքին տարածքների նախագծման համար։ Թվային թանաքային տպագրությունն օգտագործվում է պաստառների, սյուների, ցուցանակների, խանութների ցուցափեղկերի, տների պատերի և տանիքների, մեքենաների թափքի, պաստառների վրա գունավոր, խոշոր նկարներ ստեղծելու համար: Տարբեր տեսակի մասնավորապես գլանվածքային նյութերի օգտագործումը թույլ է տալիս ստանալ ցանկացած չափի պատկեր։