Ցանկացած ապրանք կամ ծառայություն թողարկելիս, նախ համոզվեք, որ շուկայում առկա է տվյալ ապրանքի պահանջարկը, և որ այն բավարարում է Ձեր թիրախային խմբի կարիքները և տրամադրում ակնկալվող օգուտները: Ապրանքը պետք է տեղակայել այնպես, որ այն հասանելի լինի պոտենցիալ հաճախորդներին: Դա հնարավոր է միայն այն դեպքում, երբ Դուք հստակ գիտեք և հասկանում եք Ձեր թիրախային շուկան:
Ահա Ձեր նպատակին հասնելու հիմնական սխեման՝ վաճառքների կազմակերպում, հասարակական կապերի պահպանում, գովազդ, վաճառքների առաջխաղացում: Այսպիսով, առանձնացրել ենք գովազդային ստենդների ու գովազդային կոնստրուկցիաների մի քանի տեսակ: Առաջարկում ենք մինչև ցուցահանդեսին մասնակցելը, տարբերել նաև գովազդային ստենդների կատեգորիաները:
Ցուցահանդեսային Pop-Up ստենդներ
Ցուցահանդեսային Pop Up ստենդները ծավալային կոր կոնստրուկցիաներ են, որոնք ունենում են հիմնականում ալյումինե ոտքեր, մագնիսներ և բաններ: Գովազդային այս տիպի ստենդի հիմնական առավելությունները նրանում է, որ հեշտ է հավաքվում, թեթև է, շարժական, դե իսկ կոնստրուկցիան տալիս է չափսը փոփոխելու հնարավորություն:
Ցուցահանդեսային Press Wall կոնստրուկցիաներ
Գովազդային Press Wall կոնստրուկցիաներն ուշադրություն գրավելու և ձեր բիզնեսի նկատմամբ հետաքրքրություն առաջացնելու համար լավ տարբերակներ են: Գովազդային արշավների, ցուցահանդեսների և տարատեսակ այլ միջոցառումների ժամանակ օգտագործվող Press Wall կոնստրուկցիաները կարող են ծառայել նաև որպես ֆոտո և վիդեո նկարահանումների ետնանկար։
Ցուցահանդեսային գովազդային ստենդներ
Ցուցահանդեսային գովազդային ստենդները գրավիչ պատկերներով և տեքստերով կոնստրուկցիաներ են, որոնց տեղադրումն ու ապամոնտաժումն իրականացվում է առանց մասնագետների և հատուկ գործիքների։ Նման կոնստրուկցիաները բավականին դյուրաշարժ են, ինչի շնորհիվ ստենդները հնարավոր է հեշտությամբ տեղափոխել մի վայրից մյուսը։
Ցուցահանդեսային Roll-Up ստենդներ
Ցուցահանդեսային Roll Up ստենդները լուծում են մարքեթինգային խնդիրներ՝ հաճախորդների ներգրավվածությունը, ընկերության ճանաչելիության բարձրացումը, նոր ապրանքի կամ ծառայության ճիշտ ներկայացումը և այլն: Իդեալական տարբերակ են գովազդային արշավների, ցուցահանդեսների, զանազան ապրանքներ և ծառայություններ ներկայացնելու, շնորհանդեսների ժամանակ օգտագործելու համար։ Կոնստրուկցիան նախատեսված է ինչպես փակ տարածքներում, այնպես էլ դրսում օգտագործելու համար։
Ներդրումներ կատարելով ցուցահանդեսում՝ դուք որոշակի միջոցներ եք ներդնում Ձեր ապրանքի կամ ծառայության ճանաչելության նպատակով: Պլանավորում եք, որպեսզի այցելուներ գրավեք: Հետևողական եղեք ստենդում աշխատող անձնակազմի ընտրության հարցում: Ցուցահանդեսից Ձեր հիմնական ակնկալիքը պետք է լինի արդյունքների ստացումը, վերահսկումն ու վերլուծությունը:
Ցուցահանդեսին մասնակցել պլանավորելիս՝ պետք է լուծել մի շարք անհրաժեշտ մարտավարական առաջադրանքներ: Օրինակ, որտե՞ղ է լավագույն տեղը գովազդային ստենդը տեղադրելու համար:
Սովորաբար այցելուները թեքվում են աջ կամ քայլում դեպի կենտրոն։
Ուսումնասիրեք դասավորությունը՝ որտեղ են ոլորտի առաջատարները, ձեր մրցակիցները, այցելուներին գրավող հիմնական կետերը (սնվելու վայր, տեխնիկական ծառայություններ և այլն):
- Ուշադրություն դարձրեք ձեր տաղավարին: Այն պետք է գրավիչ լինի. օգտագործեք գույն, լուսային էֆեկտներ, արտադրանքի իրական չափի պաստառներ, շարժվող առարկաներ և այլն:
- Նշեք ձեր ընկերությունը լոգոյով՝ պատկերանշաններով: Դրանք պետք է լինեն մեծ և ընթեռնելի:
- Որոշեք՝ որոնք են ձեր ապրանքների և ծառայությունների առավելությունները գնորդի համար: Օգտագործեք կարգախոսներ, նշաններ և վերնագրեր: Սպառողական ապրանքների ցուցադրության ժամանակ կենտրոնացեք ոչ թե ընկերության ապրանքանիշի, այլ կոնկրետ ապրանքի վրա:
Առաջխաղացումն ապահովում է Ձեր ապրանքի ճանաչելիությունը շուկայում և հետևաբար՝ վաճառքները: Ահա այն ամենը, ինչ անհրաժեշտ է լինելու իմանալ ցուցահանդեսներում հաջողելու և արդյունք ապահովելու համար: